У нашай дашкольнай установе адукацыі з 19 па 23 студзеня прайшоў тыдзень беларускай мовы.

Пачатак тыдню паклала выстаўка “Край родны і сэрцу дарагі”, якую дзеці наведалі .

У панядзелак у нас адбылося цікавае падарожжа “Скарбонка роднай мовы”, падчас якога дзеці пазнаёміліся з рознымі відамі фальклору. Праз гульні, чытанне вершаў і казак, слуханне музыкі мы змаглі ўбачыць прыгажосць і мілагучнасць роднай мовы.

        “Мой родны кут, як ты мне мілы!” - так гучала тэма ауторка. У гэты дзень мы шмат гаварылі пра горад Гродна і яго гісторыю. Успаміналі славутыя мясціны і знакамітых людзей.

Серада была прысвечана тэме “Падарожжа ў краіну казак”. Дзень быў насычаны на эмоцыі, бо кожная казка здзіўляла, захапляла і павучала. Дзеці з цікавасцю абмяркоўвалі змест кожнай казкі і вучыліся правільна вымаўляць беларускія словы.

 У чацвер  “Сёння ў нашай хаце свята”. З выхаванцамі праводзіліся гутаркі пра беларускія святы.

Пятніца выдалася асабліва рухомай і эмацыйнай, бо тэма яе гучала так: “Разам гуляем- сябе забаўляем”.Гэты дзень падаравау дзецям радасны настрой, дазволіу падтрымаць цікавасць да беларускай мовы, жаданне размауляць на ёй. Дзеці с радасцю адгадвалі загадкі, гулялі ў рухомыя гульні і нават танцавалі.

         Гэты тыдзень запомніцца дзецям і бацькам надоўга. Будзем спадзявацца, што беларуская мова загучыць і ў хатах нашых выхаванцаў, а не толькі ў дзіцячым садзе.